Verðlag
Tilboð eru í öllum tilfellum háð gengi dagsins sem þau eru gerð, nema
annað sé tekið sérstaklega fram í tilboðinu sjálfu.

Innihald
Tilboðshafi skal fara vel yfir og sjá til þess að vöruinnihald tilboðs sé til
samræmis við útboðsgögn. Hafi tilboðshafi ekki gert athugasemdir við
vörur í tilboði fyrir opnun þess skal líta svo á að um fullgilt tilboð sé að
ræða og í samræmi við útboðsgögn.

Verðútreikningar
Ef verðútreikningar tilboðs reynast rangir, áskilur Reykjafell h.f. sér rétt til
leiðréttingar á tilboðsverðum frá dagsetningu tilboðs þar til sölumaður
hefur gengið frá sölupöntun í samráði við viðskiptavin.

Afhending
Öll söluverð Reykjafells h.f. miðast við að varan sé afgreidd af lager
fyrirtækisins í Reykjavík.  Annar flutningskostnaður fellur á  viðskiptavin
ef ekki hafi verið um  annað samið.

Sérpöntunarvara
Sérpantaðri vöru fæst ekki skilað, hvort sem er hún er pöntuð munnlega,
í gegnum síma, með netpósti eða eftir öðrum leiðum.

Gildistími
Gildistími tilboða er 2 mánuðir frá dagsetningu þess.  Að þeim tíma loknum
skal endurskoða alla liði tilboðsins og endurreikna þá. Ál/koparverð gilda í
1 mánuð frá dagsetningu tilboðs, nema annað sé tekið sérstaklega fram.

Vinnutímar
Ef óskað er eftir aðstoð/vinnu við uppsetningu, stillingar, eða forritun búnaðar
þá bókfærist á viðskiptavininn vinnustundir skv. verðskrá Reykjafells.

Útkeyrsla
Farnar eru tvær ferðir á dag á helstu flutningsaðila í Reykjavík kl.10:30 og 15:00.  
Annar flutningur er samkvæmt gjaldskrá Reykjafells.